O Goberno galego deu luz verde á declaración de urxencia das obras de reparación dos danos causados polas inundacións rexistradas no Concello de Viveiro o pasado 18 de novembro.
O Consello da Xunta autorizou esta medida para iniciar uns traballos de rehabilitación, dotados con 123.000 euros, nas estradas e nas marxes fluviais provocados polo desbordamento do río Xunqueira e do regacho de Trasposta, que se cobrou a vida dunha octoxenaria.
Segundo apunta a Administración autonómica, o aumento do caudal arrincou árbores e infraestruturas e arrastrounas xunto coas pedras e outros obxectos. Ademais da riada rexistrada ese día, as precipitacións aumentaron "notablemente" o risco de novas inundacións.
Así as cousas, a Xunta tamén declara de urxencia as actuacións desenvolvidas desde o mesmo día das choivas "co fin de asegurar que os elementos do sistema de sumidoiros estean ao máximo da súa capacidade hidráulica para evacuar sen problema a auga procedente da choiva".
