Un camión que transportaba serrín perdeu parte da carga que transportaba ao sufrir un accidente e envorcar á altura do quilómetro 10, na estrada N-160, á altura da parroquia de Coubeira, na zona coñecida como A Campa. Un sinistro que tivo lugar pouco antes das dez da mañá e que deixou a calzada cortada en ambos os sentidos.
Un particular deu parte do sinistro ao 112, desde onde informan que se mobilizou á Garda Civil de Tráfico, Policía Local de Mondoñedo e Protección Civil da mesma localidade, ademais do servizo de mantemento de Estradas polo temor de que perdese algo de combustible.
A vía segue a tal hora cortada, polo menos nun sentido, e retirouse a carga do camión para poder ser transportada noutro vehículo mentres unha plataforma trata de levantar o camión accidentado.