A Dirección Xeral de Tráfico recomenda circular con precaución na Autovía A-8 entre os quilómetros 536 e 552 á altura de Mondoñedo pola incidencia dos fortes ventos nesa zona. E é que a entrada do temporal Félix, que fai que o litoral de Galicia permaneza en aviso amarelo por ondada e fortes ventos, deixou refachos de máis de 100 quilómetros por hora en distintos puntos da comunidade. Os niveis máximos rexistráronse en Penedo do Galo, en Viveiro, con 119,7 km/h. Uns valores que se rozaron en Lira (A Coruña) con 116,3 km/h e A Gándara (Vimianzo) con 110,6 km/h, mentres que en Oia (Pontevedra) alcanzáronse os 108,6 km/h.
A maior parte da frota lucense saíu ao mar este venres a pesar da chegada de Félix, que si obrigou aos pesqueiros de Pontevedra e A Coruña a quedar en porto. En concreto, os barcos puideron faenar en Viveiro, Burela e Ribadeo. Con todo, está previsto que a peor parte da borrasca se deixe notar a partir do sábado, cando o aviso na costa elevarase a laranxa.
INCIDENTE. Os Bombeiros de Cee tiveron que intervir na madrugada do venres para retirar unha árbore caída sobre a estrada que une Vilardime e Bardullas, no municipio coruñés de Muxía.
