O municipio de Viveiro conta cunha patroa relativamente recente, pois hai só sesenta anos da proclamación da Virxe de Valdeflores como patroa da localidade. Unha efeméride que a Confraría da nosa Señora de Valdeflores recordarán con varios actos ao longo deste 2021.
A primeira das actividades xa programadas será unha misa o 18 de abril, ás once da mañá na igrexa do mosteiro, dunha celebración religio
sa "pola alma de todos os asinantes da proclamación como patroa de Viveiro á santísima Virxe de Valdeflores", segundo recorda desde a confraría en honra á santa, que é a que se encarga das celebracións.
Unha confraría que tira de arquivo particular para rescatar unha imaxe dos integrantes da corporación de entón, cuxos edís asinaron por unanimidade a acta de nomeamento, un dos puntos que levaron a pleno do 28 de marzo de 1961.
Unha sesión ordinaria, segundo consta no arquivo municipal, que estivo presidida polo alcalde Francisco Vázquez Ramudo e ao que asistiron os concelleiros Eduardo Lamela Fernández, Hermes Varela e Álvarez de Toledo, José Gueimunde López, Francisco Fanego Abadín, Leonardo Villar Casas, Jaime Dovale Mariño, Antonio Ínsua Ínsua, Eligio Núñez Díaz, José Cayo López, Manuel García Fernández, José López González e Manuel Dourado Vitorio.
Unha proclamación que se recolle nun cartel que será distribuído por todo Viveiro e entregado aos fieis logo das misas na igrexa do mosteiro.
