Viveiro recibiu este luns a Alejandro
A corporación municipal brindou unha recepción no consistorio a Paleo e aos dous compañeiros de Vestas que o acompañaron durante a viaxe. A rexedora, María Loureiro, destacou os seus valores, e entregou aos operarios unha cesta con produtos típicos de Viveiro.
Na Praza Maior, Paleo e os seus acompañantes recibiron a calor dos seus compañeiros, amigos e familia. Os traballadores de Vestas, pola súa banda, continuarán coa mobilización para evitar o peche da fábrica.