O presidente do Pescados Rubén Burela FS, Manuel Blanco, puxo en dúbida a posibilidade de que a localidade mariñá poida acoller os partidos do club en Primeira División no pavillón de Vista Alegre.
"Non ano 2016 xa lle fixemos saber ao Concello cal era a situación e seguimos nun estado de cousas complicado respecto ao pavillón. A nosa intención é xogar no Vista Alegre, pero se non hai unha moratoria da Liga agora mesmo vexo complicado que vaiamos empezar a Liga xogando en Burela", sinalou Blanco, quen recoñece estar sondando alternativas.
"Loxicamente temos que ser responsables e pensar que nalgún sitio temos que xogar se non o podemos facer en Burela. Hai cousas que se están valorando", asegurou Blanco.
