Un ciclista atropelou este domingo a un peón na rúa do Vello Pancho de Ribadeo. O suceso ocorreu ás cinco e media da tarde por motivos que aínda descoñécense, pero foi tal a magnitude do impacto, a pesar de tratarse dunha bicicleta, que tiveron que acudir ata o lugar os servizos de urxencia e, posteriormente, o viandante foi trasladado ao Hospital da Costa, en Burela, xa que se queixaba dunha forte dor.
Os feitos tiveron lugar á altura da biblioteca e ata o lugar mobilizouse Policía Local e Protección Civil. Presúmese que a bicicleta ía a unha velocidade considerable, xa que se trata dun viario que é en costa abaixo, e o viandante saía dunha das rúas adxacentes, xa que é unha zona con boa visibilidade. O ciclista tamén presentaba feridas de diversa índole, aínda que sen maior transcendencia. Descoñécese se o afectado presentou denuncia ante a Policía.
