O sorteo da lotería Primitiva celebrado este sábado deixou un premio de segunda categoría na Pontenova dotado con 30.484 euros. O boleto foi selado no bar Esquina da localidade, que xa en 2016 repartiu a sorte dando un segundo premio da Lotería de Nadal. Os seus propietarios Rafael Sante e Orlinda Gueimonde, aseguran que a persoa afortunada pode ser un veciño ou alguén de paso e que incluso poida que aínda non saiba que é o gañador.
A combinación gañadora foi 7-32-3-43-41-6, complementario o 27 e reintegro o 7. O gañador da Pontenova tivo cinco acertos máis o complementario.