Unha veciña de Viveiro denunciou na comisaría da Policía Nacional que fora vítima dunha estafa ao comprar por internet unha consola a un particular de Málaga, facerlle un ingreso de 210 euros e non recibir o artigo.
Segundo explican fontes policiais os feitos sucederon no mes de outubro pero non foron denunciados ata este mércores. Detallan que a vítima viu nunha web segura de compras de segunda man o anuncio do produto que lle interesou, polo que contactou co anunciante e accedeu a realizar o ingreso desa cantidade nunha conta bancaria. Con todo nunca recibiu a consola, da marca Nintendo.
