Toda a tripulación do pesqueiro francés Carla, que estivo en corentena no porto de Burela durante os últimos quince días confinada no barco, deu negativo nas probas PCR que lle foron realizadas este martes. Deste xeito, a embarcación ten permiso para saír navegar.
Os dezaseis mariñeiros foron sometidos ás citadas probas, cuxos resultados se deron a coñecer á primeira hora da tarde deste martes, informaron eles mesmos.
Xa deran negativo no test rápidos aos que foron sometidos antes do inicio da corentena, a cal cumpriron ao dar positivo nun control previo un dos mariñeiros da dotación.
O barco está amarrado no porto de Burela e os mariñeiros confinados no seu interior desde o día 13 de abril.
