O certame de pintura mural Amarte, que se celebra en Burela de xeito paralelo á Feira do Bonito, xa ten gañadores da súa quinta edición. Trátase de Tirso Paz, Anna Repullo e Martín Cal, cuxos deseños se suman aos dos seus compañeiros de edición e ao resto de obras que están a converter o porto burelense nun auténtico museo ao aire libre.
O primeiro premio foi para Tirso Paz, artista lucense fincado en Barcelona, coa súa obra Meiga do mar. No seu deseño, premiado con 1.500 euros, aparece unha moza mergullada no mar e detrás dela un barco afundido. A cor que caracteriza os seus traballos pono medusas laranxa.
O segundo premio, dotado con 750 euros, foi para a catalá Anna Repullo que en Marineros reinterpretó unha fotografía antiga dunha familia.
E o terceiro galardoado, que levou 300 euros, foi o coruñés Martín Cal con A nosa Burela, unha interpretación moi persoal da localidade personalizada nunha moza que sae do mar lucindo no seu pescozo un torques.