O encontro da Primeira División feminina de fútbol sala que disputou o sábado o Peixes Rubén Burela FSF segue traendo cola. A negativa das xogadoras locais a pasar os tests do covid -non é obrigatorio ata o día 15 deste mes- fixo que as burelenses deixasen pasar un minuto antes de pór o balón en xogo como sinal de protesta, e incluso xogaron todo o partido con máscaraalgo que o seu rival non fixo.
ás xogadoras mariñás lles sentou especialmente mal a reacción do Móstoles FSF cando decidiron esperar para pór o balón en xogo, xa que as xogadoras locais déronse a volta esperando de costas a que comezase o partido. "A modo de protesta decidimos non xogar o primeiro minuto, pero a nosa sorpresa é que o equipo rival deunos as costas. Cada un queda retratado coas súas propias accións. Ao final son estas cousas as que che definen como persoa", sinalou Lara Balseiro,
A xogadora do equipo laranxa mostrouse "orgullosa" do que fixo o seu equipo, apartando a cuestión deportiva das dificultades de xogar con máscara e antepondo a saúde. "Xogamos con máscaras de FFP2 para protexernos a nós e á xente que nos rodea. Sabiamos que nos iamos a enfrontar a unha situación complicada, pero estabamos convencidas de como facelo. Estou orgullosa do meu equipo e dos nosos actos", sentenciou.
PEQUE. Tamén a gran estrela do equipo burelense, Peque, mostrouse moi activa nas redes sociais logo do sucedido o sábado e cualificou como "posiblemente a maior falta de respecto que sufrín nos meus 18 anos xogando na Primeira División", referíndose á sensación que tivo cando as xogadoras do Móstoles viráronse ante a protesta das burelenses por negarse a facer os tests.
A á do Peixes Rubén FSF tamén lamentou outras situacións vividas o sábado, como a falta de público, que era máis que dubidosa, segundo Peque. "Se iso pódese chamar partido a porta pechada, basta ver a imaxe da bancada", sinalou.
