O temporal de vento e onds que azouta este luns o litoral noroeste de Galicia deixou refachos de case 114 quilómetros por hora na provincia de Lugo e ondas que rozaron os 7 metros, segundo informaron Meteogalicia e Portos do Estado. A localidade mariñá de Viveiro rexistrou os picos máis altos de vento, seguida da coruñesa de Cedeira, onde no entanto non chegaron aos 100 km/h e quedáronse en 93.5 km/h.
A ondada foi especialmente intenso na costa coruñesa, onde a onda máis alta pasou por Vilano-Sisargas e mediu 6.6 metros; Estaca de Bares recibiu ondas de 6.3 metros e na Coruña alcanzaron os 5.6 metros.
En canto ás precipitacións acumuladas, aínda que non se contemplan no nivel de alerta, foron especialmente abundantes en Cuntis, con 35.6 litros por metro cadrado.
