sábado. 08.08.2020 |
El tiempo
sábado. 08.08.2020
El tiempo

Suspendidas as visitas ao barco museo e ás escolas deportivas

Visitantes na lonxa na estrea da Ruta do Peixe. AEP
Visitantes na lonxa na estrea da Ruta do Peixe. AEP
O Concello burelés tamén cancela a Ruta do Peixe, que facían xunto a Absa

As visitas do barco museo boniteiro Raíña do Carmen que se renovaron en Burela con restricións hai uns días, quedaron suspendidas por culpa do rebrote da Covid-19 na comarca. Unha decisión á que se suma a anulación do inicio das escolas deportivas, cuxo arrinque estaba previsto para o vindeiro luns.

Non queremos que as escolas nin o barco sexan un foco de infección.

"A situación de incerteza que hai con respecto ao rebrote de coronavirus que está habendo na Mariña e, máis concretamente en Burela, obrígannos a suspender ambas as actividades", asevera o concelleiro burelés de deportes e turismo, Ramiro Fernández Rei, quen puntualiza que se trata dunha "suspensión momentánea, ata que as circunstancias así ou digan". "Entendemos que a situación está lonxe de ser controlada e parece que cada día van aparecendo máis casos, e dende logo non queremos arriscarnos a que sexan un foco de infección nin as escolas deportivas nin ou barco museo. Se vemos a posibilidade de reactivar máis adiante as escolas ou as visitas ao Raíña do Carmen farémolo, pero dende logo a día de hoxe vémonos na obriga de suspender estas actividades".

Ramiro Fernández recorda que as escolas deportivas, con actividades en varias disciplinas e dirixidas aos nenos, arrincaban este luns.

As restricións impostas pola Covid-19 tamén impiden a celebración das Rutas do Peixe.

LECER. O edil burelés agregou que "por seguridade" este verán cancélanse tamén as Rutas do Peixe. "Tamén decidimos que este ano non as imos facer, derivado todo da situación que estamos vivindo agora mesmo, tanto na Mariña e particularmente en Burela, co tema do rebrote do coronavirus", conta. Unha decisión que se tomou tras falar con Absa, entidade colaboradora e activadora dunhas rutas que se celebran cada verán e que son moi demandadas sobre todo polos visitantes, pois ofrecen unha visión directa da pesca e pódese ver unha poxa en directo.

Suspendidas as visitas ao barco museo e ás escolas deportivas
comentarios