Os bombeiros do parque comarcal de Barreiros e unha motobomba do Concello de Mondoñedo acudiron este martes ao lugar de Chao do Val, na parroquia de Vilamor, para sufocar o incendio orixinado na cheminea dunha vivenda.
A alerta saltaba pasadas as dúas da tarde e o lume unicamente causou danos materiais de pouca importancia, segundo os servizos de urxencias desprazados á zona.
Ata o lugar tamén acudiron integrantes de Protección Civil.