Lucas Miguel Pereira Da Silva, máis coñecido como Lucas Eto'o foi presentado oficialmente como novo xogador do Pescados Rubén Burela FS logo de recibir o tránsfer internacional e completar todos os trámites da súa fichaxe. O presidente do club, Manuel Blanco, e o directivo Auditor Rodríguez arrouparon o mozo (24 anos), que vivirá a súa primeira experiencia lonxe de Brasil. "Para min é un reto liusionante, veño a un gran club ao que agradezo que me brinde esta oportunidade", asegurou Eto'o.
O novo xogador do Pescados Rubén FS trata de adaptarse a un novo país, a un novo club e a outra forma de entender o fútbol sala. "É un cambio radical, persoal e deportivo. Estou a adaptarme aos poucos, pero as sensacións son boas, aos poucos voume afacendo á vida en España e ao ritmo de xogo", analizou o xogador, que promete esforzo e confía en poder axudar con goles.
"Creo que podo axudar con forza e constancia. Son un guerreiro, un xogador de equipo e con visión de gol, oxalá poida contribuír en todos os aspectos ao equipo para facer historia aquí. Confío no meu traballo e no meu potencial para axudar no obxectivo da permanencia na mellor Liga do mundo", sinalou.