"Foi unha montaxe policial", di o sindicalista de CC.OO. Víctor Ledo sobre a súa imputación e a doutros participantes na protesta ante o Congreso dos Deputados pola situación de Alcoa no proceso de venda das fábricas da Coruña e Avilés.
O responsable de Industria de Comisións en Galicia estivo este venres na concentración mariñá para reclamar un prezo da enerxía xusto para as electrointensivas e dixo que entón en Madrid "nos mobilizamos de forma legal e non houbo agresións, só a lóxica tensión destes actos". Confía en que as gravacións dos numerosos medios de comunicación permitan corrixir "este despropósito".
