O aumento dos contaxios de covid-19 en O Vicedo leva ao Servizo Galego de Saúde (Sergas) a realizar un cribado no municipio. A mostraxe será este próximo domingo 24 ás dez da mañá no polideportivo municipal.
Todas as persoas interesadas en someterse ás probas PCR deben anotarse no concello chamando ao número 982.59.00.29 e preguntando por servizos sociais. Poden apuntarse ata este venres 22 ás tres da tarde. Deben facilitar o número de carné de identidade e un teléfono de contacto.
O alcalde, Jesús Novo, anima a participar nesta medida de detección do coronavirus, que ten como finalidade localizar asintomáticos para illar os casos que resulten positivos e evitar a propagación do virus no concello, que ten 21 casos, segundo constaba o mércores no balance do Sergas.