A secretaria municipal de Barreiros entre 1992 e 2012, a quen o alcalde acusou de "enganala" ao emitir informes favorables para as 45 licenzas urbanísticas que agora están en entredito, negou a maior este mércores no xuízo e asegurou que no seu día advertiu de que os expedientes non cumprían os requisitos esixidos e de que as licenzas podías ser anuladas en calquera momento. A pesar das súas indicacións, sostivo na vista, a xunta de goberno votou igualmente a favor de concedelas.
No xuízo que se celebra no xulgado do Penal número 2 de Lugo, e que se retomou este mércores pola mañá, a secretaria tamén explicou que en 2012 se foi a Asturias porque empezou a sufrir presións do alcalde, que incluso lle abriu "tres expedientes disciplinarios".
Antes foi a quenda da declaración por videoconferencia da xefa de servizo da Aplu en 2008-2009. Asegurou que cunha visita ás parcelas nas que se estaba construíndo en Barreiros xa se vía que era unha contorna física rural, que se construía en zonas arbóreas á beira de leiras nas que pastaban vacas, e que nas fotografías aéreas se observaba que os terreos estaban fóra da malla urbana. "Eu ía ver os edificios e volvía coas katiuskas totalmente manchadas de excrementos de animais", dixo.
<< LEA A INFORMACIÓN COMPLETA NA EDICIÓN IMPRESA DE EL PROGRESO DESTE XOVES >>
