Os equipos mariñáns foron protagonistas na xornada final do Memorial Heroes do Orzán e así o AD Santiago de Foz e o ED Lourenzá levaron a vitoria nas súas respectivas categorías. O AD Santiago de Foz impúxose por 1-2 ao Lago DVSport e foi o mellor equipo nas categorías prebenjamín; mentres que o ED Lourenzá venceu por 5-3 ao Cidade de Narón para levar o título na categoría benjamín.
Ademais, a competición tamén viviu durante este domingo o resto das finais e aí houbo dous equipos que dominaron por partida dobre e foron o Valladolid Tenro Galván e o Boadilla Las Rozas.
O conxunto valisoletano impúxose nas categorías alevín e infantil. En alevíns, o Valladolid Tenro Galván B impúxose cun contundente 10-1 ao Cidade de Narón A, en tanto que o equipo infantil superou ao Os Meigallos de Sarria por un marcador de 7-2.
Xa nas categorías cadete e xuvenil se houbese que falar dun dominador claro sería o Boadilla Las Rozas, todo un clásico nos torneos de categorías inferiores e cun palmarés envexable.
Na final cadete, o conxunto madrileño venceu ao Burela Pescados Rubén por un marcador de 0-5, en tanto que na final xuvenil o triunfo foi ante o Valladolid Tenro Galván nun duelo que tivo que resolverse nos penaltis despois de que o tempo regulamentario acabase cun empate a un tanto.
A organización premiou aos mellores xogadores nas diferentes categorías: Brais Gómez (Lago DVSport) en prebenjamín; Daniel Rodríguez (Porto de Burela) en benjamines, Joel Ferreira (Cidade de Narón A) en alevíns; Pablo Sanz (Valladolid) en infantís; Jorge Quelle (Burela) e Víctor Montoya (Las Rozas) en cadetes e Domingos Xavier Pinto (Burela) en xuvenís.
