A rápida intervención dos servizos de urxencias logrou salvar a vida dun can que foi atropelado na noite do pasado domingo nunha estrada da parroquia focense de Vilaronte.
O leve impacto e o pequeno tamaño do animal fixeron que quedase encaixado xusto na defensa do turismo, polo que se deu aviso a un veterinario de urxencia que logrou sacalo con vida.
O can non ten chip identificativo, pero está ben coidado, polo que se supón que é dalgunha casa próxima, da que se podería ter escapado.
O condutor do turismo solicitou a presenza da Garda Civil de Tráfico para cubrir o atestado.
