Dous dos pescadores procedentes de Galicia que permanecían illados no albergue de Solórzano abandonaron xa o confinamento, segundo anunciou o conselleiro de Sanidade, Miguel Rodríguez.
No albergue do Goberno de Cantabria quedan outros dous mariñeiros, á espera de que se lles repitan as probas e se dan negativo como os seus compañeiros poderán volver tamén ás súas casas.
O venres pasado regresaron a Galicia seis dos dez pescadores de Burela que permanecían illados en Solórzano logo de detectarse catro positivos nas tripulacións de tres barcos galegos, Mar de Annea, Ledicia e Sapilo, que estaban a faenar na costeira do bonito.
