O punto limpo de Foz, situado na zona de Escanlar, rexistrou na pasada noite do martes ao mércores un roubo. Os autores do mesmo apoderáronse de cadeados novos e chaves mestras, figuras pequenas que parecían de prata e dúas ou tres televisións vellas.
O acceso produciuse a través dunha fiestra, cuxa persiana subiron antes de fracturala para entrar na a área das oficinas, dado que non conseguiron abrir as portas, aínda que causaron desfeitas en tres.
Axentes da Unidade Xudicial da Garda Civil pasaron polas instalacións esta mañá para tomar pegadas e algún rastro que lles poña sobre a pista dos causantes deste roubo, que deixaron todo moi revolto.
