Os dez cepillos da igrexa parroquial de San Francisco, en Viveiro, foron o último obxectivo dos amigos do alleo, que na noite do domingo ao luns pasado apoderáronse da recadación dos mesmos, cuxo importe descoñécese.
A Policía Nacional investiga este roubo, para cuxa comisión se cre que unha persoa se escondeu no interior do templo, dado que ningunha das portas de acceso está forzada, pero si os cepillos metálicos, cuxas fechaduras foron danadas con algún tipo de ferramenta, por determinar.
O ladrón abandonaría o templo, que pecha ás nove da noite, logo de forzar e subtraer o diñeiro existente nos cepillos, dado que para saír non é necesario ter chave, polo menos nunha das portas.
