Os ladróns volveron actuar no concello de Barreiros. Esta vez asaltaron o hostal restaurante O Vendaval da localidade, en cuxo interior se apoderaron da caixa forte na que os responsables do establecemento gardaban a nada despreciable cantidade de 9.000 euros.
O roubo produciuse na madrugada do pasado venres ao sábado, cara ás catro da mañá, segundo manifesta o xerente do negocio, José Luís Edrosa Monteavaro, quen apenas tivo que lamentar desfeitas para cometer este feito delituoso, dado que o autor ou autores do
Unha vez dentro, abriron un armario existente na zona de recepción para apoderarse da caixa forte, que se atopaba gardada no seu interior. O propietario do negocio indica que é grande e dun peso considerable. No momento do roubo só contiña diñeiro en efectivo, dado que non custodiaban obxectos persoais de clientes nin outros aveños persoais. Cando o sábado pola mañá abriron, a súa muller accedeu ao moble para sacar diñeiro e xa non estaba a caixa de caudais.
O xerente do restaurante barreirense precisa que presentaron a correspondente denuncia no cuartel da Garda Civil da localidade, cuxos axentes xa investigan o ocorrido para tratar de dar cos autores deste roubo. Tamén puxeron a disposición dos gardas as imaxes das cámaras de seguridade, que estes xa analizan a fin de identificalos.
O autor (ou autores) foi directo a por o botín. "Foi a tiro fixo, porque había un computador, varias tablets e unha cadea musical e non levou nada máis", sinala Luís Edrosa, quen sospeita que puido pasar antes polo local para ver se había algo do seu interese e que posiblemente coñecería onde gardaban a caixa forte ou tivo coñecemento da súa existencia durante unha visita de recoñecemento que efectuou ao establecemento con carácter previo á comisión do roubo.
é a primeira vez que os propietarios do restaurante O Vendaval sofren a acción dos cacos, que tampouco lles roubaron nunca noutro local que posúen no paseo marítimo desde hai unha década. Este roubo ocorreu no que rexentan á entrada da localidade barreirense.