O humorista xovense Roberto Vilar quixo mostrar o seu apoio aos "veciños" da Mariña que participaron este mércores na folga para reclamar unha solución á crise industrial que está sufrindo a comarca.
"Alcoa e Vestas dan moito traballo directo e indirecto a moita xente. Pero á parte do traballo, dan futuro aos que nacemos alí. Sen esas empresas complícasenos moito o futuro á xente da Mariña", explicou Vilar nun vídeo que compartiu nas súas redes sociais.
#FORZAMARIÑA
— Roberto Vilar (@RobertoVilarTV) November 17, 2021
#ANIMOVECIÑOS 💪🔝👏🔝💪 pic.twitter.com/OSpg8irUEm
Tras lanzar unha mensaxe de ánimo aos que fixeron folga "e están loitando", instou "á xente que pode solucionar isto" a que "faga algo rápido". "Ten que ser xa porque son moitas vidas. Unha comarca enteira depende diso", apuntou o presentador de Land Rober e Quen anda aí?
