Os ribadenses e a xente dos arredores claramente queren estar en forma. A localidade de Ribadeo acumula ata cinco ximnasios de distinto tipo. Na xunta de goberno do pasado martes deuse licenza para que un deles continúe avanzando e póndose ao día. Trátase do situado nas instalacións municipais da Rúa Pintor Fierros, no complexo da piscina xestionado pola empresa BeOne. Alí vaise a realizar un investimento importante, de 180.000 euros, que suporá ademais cambios moi notables.
Na parte na que agora se atopan as bancadas da piscina vaise a realizar unha modificación considerable para crear unha nova sala na que realizar actividades, que se sumará á que agora teñen en pártea norte do edificio. As bancadas non se eliminarán completamente, pero si que se diminuirán as filas para reacondicionar por completo o espazo ata gañar unha superficie importante.
Ademais, BeOne está a realizar tamén cambios para mellorar a eficiencia enerxética do propio edificio xa que se están instalando paneis solares que proporcionarán aproveitamento de enerxía solar nunhas instalacións que contan cun gran consumo enerxético.
Deste xeito, a empresa adxudicataria do servizo poderá ampliar e redistribuír a oferta que teñen, sobre todo, de actividades á marxe das dous principais que os caracterizan, que son a propia piscina e o ximnasio. Nel tamén fixeron recentemente un investimento significativa para renovar unha gran parte das máquinas e material que se utiliza alí a diario.
Con todo iso o que se conseguirá é avanzar nunha oferta que se fai cada vez máis necesaria e que, ademais, estea actualizada o máximo posible ante unha variedade que resulta curiosa polo diversa e abundante que é.
Neste momento son cinco as instalacións profesionais que están a funcionar. Unha delas é incluso limitada a usuarias femininas, como é
Este é un dos veteranos pero non o que arrastra unha maior tradición. Ese é o que se atopa na Avenida de Galicia, Shaolin, trasladado alí fai xa máis de dúas décadas e que continúa funcionando tras realizar tamén diversas actualizacións das instalacións.
O resto son máis modernos. Practicamente ao mesmo tempo creáronse os dous últimos. Un é Orixe, que a pesar da súa curta historia xa vai pola súa segunda localización, a actual en Rosalía de Castro, e que trata de distinguirse polo seu trato directo con cada un dos seus usuarios. O máis especializado é O Mero, máis afastado do concepto clásico de ximnasio e moito máis orientado a prácticas vinculadas ao a modalidade crossfit. Está situado entre a Rúa Grañol e a estrada de Vilela.
