Noel López Pinín é un dos nutricionistas máis coñecidos da comarca, pois á súa consulta física en strong <>Burela suma a prestación de servizos en diversas localidades da Mariña, ademais de Lugo, A Coruña ou Asturias e incluso conta con pacientes online en diversos países de América e Europa. Un paso ao que agora suma outro de xigante ao converterse no nutricionista de Carolina Sobe, unha estrela da tele tras o seu paso por programas como Gran Hermano Dúo, Gran Hermano VIP, Survivor ou Gran Hermano, a cuxa undécima edición como concursante debe a súa fama televisiva, que se incrementou desde entón grazas a unha personalidade propia, que nunca deixa indiferente.
Pinín está agora baixo a mirada de moita xente, pendente da resolución do que xa se bautizou en redes como O reto da Sobe; ou o que é o mesmo, conseguir que a estrela mediática regrese aos 70 quilos nos que sentía a gusto. Por diante un ano de reto para volver estar cómoda coa súa talla, o que lle obrigará a baixar entre 25 e 30 quilos, pois con 1,69 o seu peso actual é de 98 quilos, como ela mesma compartiu.
"Non o fai por cuestión de estética, senón por saúde, porque se algo lle sobra a Carolina é personalidade", recalca o nutricionista burelense, que coñece á estrela mediática por un amigo común, que foi quen os puxo en contacto tras a decisión da exgranhermana de baixar peso. "Convenceulle a miña forma de traballar, na que avogo por alimentos, fuxindo de produtos, batidos e dietas milagre", asevera López Pinín, quen fala da necesidade unha educación nutricional "que lle permita adquirir uns hábitos que lle axuden despois a manterse".
Así que lle ensina a comer con dietas cambiantes cada semana nas que non faltan froitas, verduras, pasta, arroz, legumes, froitos secos e incluso algunha comida libre. "O que eu pauto é unha dieta mediterránea, unha alimentación saudable e sen restrición de alimentos porque ás veces esquecémonos que a dieta é a inxesta total de alimentos nas 24 horas do día e ao final comer menos non é sinónimo de adelgazar", explica.
O experto nutricionista recoñece que cada persoa é un mundo, polo que a dieta ha de subscribirse a cada individuo e as súas posibles patoloxías. No caso de Sobe non dubida que o conseguirá, "porque está súper decidida e motivada", aínda que non oculta que poidan xurdir «hipotéticos lastres» que fagan acelerar ou retardar o proceso.
Tamén niso, Pinín é claro: "Todos os lastres teñen solución e o que se necesita é paciencia e constancia", dúas características que son claves á hora de enfrontarse a unha dieta que, insiste, debe marcarse obxectivos realistas.
De momento, a primeira impresión de Carolina nas súas iniciais sesións con Pinín é que lle parece moita comida, conta o nutricionista burelense, quen mantén contacto directo con ela a través de videoconferencia e quen recoñece que nas distancias curtas Carolina é igual de expresiva que na tele. «é humilde e próxima. é xenial».
