O Resurrection Fest de Viveiro celebra este domingo unha nova edición online que consistirá na emisión na
Neste documental poderase ver como viviu a organización do festival o adiamento da edición de 2020 por mor da pandemia e como sacou adiante a edición reducida de 2021, na que din que o apoio "enorme" do público animounos a seguir adiante. "Tamén haberá entrevistas e concertos e será unha continuación perfecta ao noso documental previo Resurrection Fest: a historia (2006-2020)", engaden.
Este streaming realizarano xusto o día no que faltará un mes para a próxima edición do evento no campo de Celeiro, "a maior ata a data", aseguran os organizadores, que contan coa presenza de máis de cen mil espectadores entre os cinco días que durará por primeira vez, do mércores 29 de xuño ao domingo 3 de xullo. Actualmente só quedan entradas soltas á venda para a primeira xornada, a un prezo de 39 euros máis gastos de distribución na páxina web o festival. Hai tempo que se esgotaron os abonos para todos os días e tamén se foron acabando as entradas soltas para cada unha das demais xornadas, encabezadas o mércores por Deftones, o xoves por strong Judas Priest, o venres por Sabaton, o sábado por Gojira e o domingo por Korn.
Os preparativos para a montaxe do recinto do festival xa empezaron na localidade vivariense, que se prepara para recuperar unha das súas citas máis multitudinarias.
