Adif comunicou este sábado o restablecemento da circulación normal do tren Feve da A Mariña logo de retirar unha árbore derrubada polo temporal sobre a vía. Ocorreu entre Foz e Burela, na parroquia de Cangas e os operarios retiraron a árbore ás 12.45 horas. Mentres estivo cortada a liña férrea realizáronse transbordos por estrada para os trens afectados.
Os refachos de vento en Foz superaron xa os 88 quilómetros por hora, segundo Meteogalicia e a comarca está baixo a influencia da borrasca, que trae fortes ventos e granizadas intermitentes.