A residencia de maiores de Xove, libre de covid-19

Residentes e traballadores do centro de maiores San Bartolomé de Xove celebraron este mércores a ausencia de positivos en coronavirus. Tras someterse ás probas para detectar o covid-19, tanto o persoal do xeriátrico como os anciáns deron negativo, segundo informaron a través das redes sociais con varias mensaxes nos que se percibía a alegría do persoal: "Teño o inmenso orgullo de comunicar o resultado das probas (...) En primeiro lugar, grazas ás miñas compañeiras pola súa perseveranza e unión nestes momentos tan difíciles", podíase ler no Facebook dunha das traballadoras nunha mensaxe con mención especial aos "África copias, Makers A Mariña, forzas de seguridade, asociación de mulleres de Foz e Xove" e á corporación municipal.