Os oito tripulantes do pesqueiro Serenin, con base en Celeiro (Viveiro), foron rescatados este venres de madrugada tras abandonar a embarcación a bordo das lanchas salvavidas nas proximidades da entrada do porto de Avilés despois de que o barco comezase a derivar cara ás rocas, onde finalmente se afundiu.
Segundo informou a Efe un portavoz de Salvamento Marítimo, a tripulación deu aviso ás 12:22 horas o aviso de que o barco se dirixía cara ás rocas e de que abandonaban a embarcación polo que se mobilizou ao Helimer 206, así como á lancha de prácticos do porto de Avilés e aos pesqueiros que se atopaban na zona.
Finalmente, a lancha de prácticos conseguiu rescatar aos oito mariñeiros ao redor da 1:00 da madrugada e trasladounos á Casa do Mar de Avilés, desde a que un dos tripulantes tivo que ser conducido a un centro sanitario ao sufrir unha colisión leve.
Segundo as mesmas fontes, este venres a embarcación de Salvamento Marítimo Helimer 206 volveu a saír ao mar para inspeccionar a zona onde se produciu o afundimento do pesqueiro.
Pesquero Serenín, hundido esta madrugada en #Avilés. Sus 8 tripulantes fueron rescatados ilesos por lancha de prácticos. También se movilizó el Helimer 206 y pesqueros que estaban en la zona. Emergencia coordinada por Centro de Salvamento Marítimo en Gijón. pic.twitter.com/KSBnsXV18L
— SALVAMENTO MARÍTIMO (@salvamentogob) January 7, 2022
