miércoles. 15.07.2020 |
El tiempo
miércoles. 15.07.2020
El tiempo

Rescatado un tenreiro que caeu a un pozo de xurro en San Martiño de Foz

Tenreiro rescatado en Foz. AMA
Tenreiro rescatado en Foz. AMA
A dificultade de acceder ao pozo e de enganchar ao animal fixo que os labores se prolongasen durante unha media hora

Operarios de obras con axuda de Protección Civil de Foz e do concelleiro Héctor Moris rescataron este venres pola mañá a un tenreiro de semanas que caeu nun pozo de xurro dunha explotación do lugar da Ermida, pertencente á parroquia de San Martiño, no municipio focense.

O animal precipitouse á fosa ao redor das once da mañá, momento en que os donos solicitaron axuda. Protección Civil recibiu o aviso e alertou ao Concello, que mobilizou o camión pluma de obras e operarios deste servizo, ademais de acudir ao lugar o concelleiro mencionado e unha patrulla da Garda Civil.

Os efectivos desprazados tiveron que baixar un valo de obra ao foso para usala como unha escaleira. Con ela e unha eslinga suxeitaron ao animal, tirando a responsable de Protección Civil, Bárbara Ramos, e o edil, mentres o traballador de obras manipulaba o camión pluma.

A dificultade de acceder ao pozo e de enganchar ao animal fixo que os labores se prolongasen durante unha media hora.

Rescatado un tenreiro que caeu a un pozo de xurro en San Martiño de...
comentarios