2-4. Reacción insuficiente do Pescados Rubén

O Pescados Rubén FS quedou a medias na súa reacción e perdeu por 2-4 ante a Palma tras equilibrar un 0-2 en contra. Os insulares cortaron un refacho de tres semanas consecutivas sumando en casa para o conxunto laranxa, que este venres demostrou que está en condicións de pelexar con garantías pola permanencia.

Os primeiros dez minutos foron un exercicio de supervivencia para os locais, que se atoparon cunha presión asfixiante do rival sen apenas poder chegar á meta de Barrón.

Tras varias accións consecutivas nas que o gol roldou a portería burelense, Ximbinha atopou por fin a rede tras unha acción a balón parado na que rematou un córner lanzado por Rafa López.

O cadro burelense tratou de opor resistencia e estirarse para frear a avalancha visitante, pero en ningún momento puido controlar aos seus rivais. Loito tratou de rematar un balón lanzado por Matamoros, pero se topou con Barrón e a Palma seguiu ao seu, pondo en apertos a Edu. A superioridade insular no xogo volveu ter repercusión no marcador cunha acción de Hamza que remachou Nunes.

Cando a Palma ameazaba con romper o marcador antes do descanso, os mariñáns atoparon osíxeno a falta de catro minutos cun penalti por man de Eloy Rojas que aproveitou Matamoros para marcar o seu oitavo gol en tres partidos. Con 1-2 chegou o Pescados Rubén aos vestiarios. Incluso puido ser un 2-2 se Barrón non frease a Pope en dúas ocasións.

A Palma saíu na segunda metade como na primeira, asustando ao rival. Eloy Rojas topou con Resultados o ombreiro de Edu na primeira acción clara, pero esta vez os Pescados Rubén reaccionou ben e respondeu con dúas chegadas de Everton e Pope que non acabaron en gol por pouco.

O cadro burelense foi aumentando a fe nas súas posibilidades e empezou a ver cerca o empate, sobre todo tras unha galopada de Joselito que freou Barrón.

O intercambio de golpes puido caer para calquera lado, con Eloy Rojas topando co pau burelense e Álex Diz con Barrón, que lle negou o empate. Pero o lucense insistiu e esta vez aproveitou un servizo de Matamoros para pór o 2-2.

Todas as opcións de sumar esfumáronse en apenas un minuto, cun tanto a balón parado e outro nun roubo de balón. Os mariñáns apostaron case cinco minutos polo xogo de cinco, con strong <>Álex Diz de porteiro-xogador e Matamoros tivo dúas opcións, pero o frearon Barrón e o poste.

Ficha técnica