O servizo de Protección Civil de Burela recolleu a última hora da tarde deste pasado domingo, cara ás nove, un exemplar de alcatraz que chegou á praia de O Penoural, na localidade, segundo alertou un particular ao 112 Galicia, que lles pasou o aviso.
O ave chegou moi cansa e crese que podería estar enferma, aínda que non presentaba feridas. Os voluntarios recollérono nunha caixa con buracos para que contase coa ventilación necesaria ata a chegada dun axente de Medio Ambiente, pero cando este estaba en camiño cara ao lugar, o animal pereceu, razón pola que non puido ser trasladado para a súa recuperación.
O alcatraz adoita estar en alta mar e resulta raro velo próximo a terra, polo que cando algún se aproxima é porque se atopa enfermo e son poucos os que sobreviven.
