O Cacharulo, un pesqueiro de baixura de Laxe, pero que fai habitualmente base en Burela, foi o primeiro en vender bonito na lonxa burelense este xoves pola mañá.
A embarcación descargou uns 700 quilos, que se venderon a un prezo medio de 10,20 euros, xa que o de maior tamaño, de entre 8 e 9 quilos pasou a 12,30; o mediano, de entre cinco e seis quilos, a 8,95 e o mono, o de menor tamaño, apenas superou os cinco euros.
Dous boniteros con base en Burela, o Gabriela e María e a Novo Liberdade xa levan dúas semanas participando na costeira, que este ano se adiantou algo no tempo con respecto a outras edicións.