Un boleto con cinco acertos máis o complementario, selado na Administración de Loterías número 1 de Ribadeo, foi premiado no sorteo da Bonoloto deste martes con 46.277 euros. A combinación gañadora no sorteo foi: 10, 45, 47, 27, 7 e 11, co 16 como complementario e reintegro ao número 7. Houbo outros dous acertantes do segundo premio, con boletos selados en Carballo (A Coruña) e Málaga, ademais de dous acertantes de primeira categoría, con 130.153 euros de premio a cada un.
