O monumento natural das Catedrais tivo este domingo o seu día de máis afluencia, aínda que como sinalaron os vixiantes contratados pola Xunta que se atopaban no enclave, non se rexistraron incidencias.
Ata o 1 de xullo non volverán os guías informativos dispostos polo Goberno galego, aínda que si procurarán incrementar a presenza dos axentes ambientais. Na zona, veciños e empresarios manifestan certo temor polo que poida ocorrer sen vixilancia ata a tempada alta.