O PP lamenta o voto en contra no Senado de PSOE e Podemos á iniciativa popular que instaba o Goberno a aceptar as alegacións ao estatuto do consumidor electrointensivo presentadas en conxunto pola Xunta de Galicia, o Principado de Asturias e o Goberno de Cantabria, que quedou rexeitada.
O senador cántabro do PP Félix de las Cuevas, que reprochou ao PSOE o seu voto en contra, defendeu que o estatuto segundo está pode ser "terrorífico" para o norte de España e encomiou o acordo de tres gobernos autonómicos de distinto signo "por encima das diferenzas de partido e froito dun gran consenso institucional, empresarial e sindical”.
O PP aceptou unha emenda de Coalición Canaria para que se tivesen en conta as "particularidades" das illas e rexeitou ao entender que "non di nada" outra emenda de substitución do PSOE que propuña "analizar" todas as alegacións, "harmonizar" en colaboración con Europa a normativa comunitaria en materia de consumidores electrointensivos para ter un marco estable, continuar mellorando os instrumentos de apoio financeiro ao investimento industrial e mellorar os programas de axudas en eficiencia enerxética das empresas.
