A MARIÑA. Os bos datos rexistrados no mes de agosto nas oficinas de turismo da comarca permiten situar á zona como un referente turístico de Galicia. O xeneralizado incremento de visitas o pasado mes á Mariña convértena nun destino cada vez con maior tirón, sobre todo para familias, que son as que maior tempo pasan a noite, pero tamén para persoas de diversas idades que apostan por pasar uns días e que valoran a paisaxe, a tranquilidade e a gastronomía.
As visitas guiadas que se ofertaron en varias localidades, para dar a coñecer o patrimonio cultural, natural ou etnográfico, contribuíron ao incremento de visitantes, maioritariamente españois, sendo Madrid o principal emisor, un dato no que coinciden en todas as oficinas aínda que o segundo posto de procedencia varía dunhas a outras pero, en xeral, é o resto de Galicia, Euskadi e Castela-León a orixe de boa parte dos visitantes, que chegan tamén de Asturias, Cataluña ou Valencia.
O visitante estranxeiro segue crecendo, aínda que lentamente, e este verán é rechamante o incremento dos chegados desde Italia
Un turismo nacional que segue sendo maioritario -en Foz foi o pasado mes do 99%- e que convive cun incremento do estranxeiro, onde este ano se notou un aumento considerable de italianos en toda a comarca, aínda que Francia segue sendo o país de onde proceden a maioría de estranxeiros. Boa parte deles vén atraídos por un traballo previo en diversas feiras turísticas.
A oficina de turismo focense, situada no Cenima co programa A Mariña virtual, recibiu 12.783 persoas, ás que hai que sumar as máis de 8.600 que o fixeron na basílica de San Martiño. Unha afluencia algo menor que o ano anterior, pero que segue deixando a Foz como un importante receptor de visitantes, aínda que moitos son xa viaxeiros que repiten e non van xa á oficina.
No caso de Mondoñedo, as cifras tamén son moi positivas. Pola súa oficina de turismo pasaron máis de 12.000 persoas durante xuño, xullo e agosto, o que supón un incremento medio do 3% con respecto a 2017, que xa había arroxando cifras notables. Destaca xuño, cun aumento do número de visitas dun 12%.
O turismo internacional colle forza. Un 15% dos que visitaron Mondoñedo en xuño chegaron desde o estranxeiro, aínda que esta cifra reduciuse a un 4% en xullo e agosto. De Madrid, Cataluña e Euskadi, dentro das nosas fronteiras, e Inglaterra, Alemaña e Francia proceden a maioría. Así mesmo, a Cova do Rei Cintolo, que acumula un incremento anual do 17%, completou o seu mellor agosto desde 2009 cunha subida do 34%.
En Alfoz, o balance que fan desde a oficina local deixa uns datos de 2.315 visitas no mes de agosto. O castelo de Castro de Ouro, onde está a oficina, seguirá aberto de martes a domingo ata mediados deste mes.
Marca no barco museo burelense
O barco Reina do Carmen, situado no porto burelense, recibiu o pasado agosto 1.500 visitas, unha auténtica marca para o único museo flotante de España. A iso, súmase o éxito das rutas á lonxa, que o edil de turismo, Ramiro Fernández Rei, avoga por ampliar «de face a outros anos».
Ocupación
A media roldou o 100% en hoteis nun mes en que Burela recibiu a 4.000 persoas, «ou que recibiu a 4.000 persoas, «ou que demostra que estamos a facer un bo traballo», recorda Ramírez.
