Portos de Galicia non ten previsto, polo menos polo momento, a instalación de iluminación no viario de acceso ao porto de Burela. Segundo explicaron desde o organismo autonómico, dependente da Consellería do Mar, trátase dunha "vía de carácter interurbano". "Non é de actividade portuaria nin ten tránsito peonil, polo
Cando se inaugurou o viario, en decembro de 2016, xa chamou a atención que non se colocaron os puntos de iluminación cando as canalizacións si que estaban feitas. Naquel momento, supúxose que se acometería a obra máis adiante, pero máis de catro anos despois, a estrada continúa sen contar con ningún punto de iluminación. Neste sentido, a asociación de veciños O Vencello de Burela puxo sobre a mesa hai unhas semanas a falta de iluminación que presenta o viario e a conveniencia de que se instalasen puntos de luz para mellorar a seguridade. "Ese viario debería contar con iluminación, tendo en conta que xa está feita a instalación para colocala", aseguraban desde o colectivo e recalcaban que esta necesidade de iluminación facíase máis evidente no túnel. Os veciños consideran que a falta desta iluminación é unha das deficiencias que se debería emendar na localidade.
A este respecto tamén se pronunciou o alcalde, Alfredo Chairo, que coincide coa asociación veciñal en que se deberían colocar os puntos de luz necesarios neste viario. "Cando se fixo a obra deixáronse feitas as canalizacións, pero a última hora non se colocaron", asegurou, "dende o Concello xa lle fixemos a petición a Portos de Galicia en varias ocasións porque consideramos que é de rigor poñer eses puntos de luz pola seguridade da vía, sobre todo na zona do túnel onde a visilibilidade pódese ver reducida". "Eu espero que antes ou despois se poña luz", subliñou o alcalde.
O viario de acceso ao porto de Burela converteuse nun dos principais accesos á localidade, non só para o tráfico portuario senón para moitos vehículos que o usan para entrar e saír do centro do municipio, polo que é unha vía con bastante tráfico.
Precisamente para esta rotonda, o Concello xa conta cun proxecto para acondicionala. "Xa temos un convenio aceptado polo Concello e por Portos de Galicia para facernos cargo desa rotonda porque consideramos que é fundamental que estea arranxada pola imaxe que ofrece do pobo", explicou o rexedor.
Actuación de oficio para a súa limpeza
Chairo avanzou que unha vez que o convenio estea asinado, o Concello empezará cos traballos de mellora. Polo momento, "desde o Concello xa actuamos de oficio para tea limpa e que non estea chea de maleza", subliñou o alcalde.
