A Policía Local de Viveiro impuxo un total de 154 infraccións por exceso de velocidade nos controis que realizaron durante a semana pasada, do 12 a 18. Sete días nos que controlouse a 1.981 vehículos nos diversos puntos nos que se instalou o radar, tanto en vías urbanas como en travesías e en diferentes horas do día.
Dos condutores sancionados, no caso de 29 leva aparellada a retirada de puntos do carné de conducir e en dous deles o condutor perderá ata seis puntos, ademais de facer fronte a unha sanción económica de 500 euros, ao circular a 93 quilómetros por hora en estradas limitadas a 50.
A Policía Municipal considera "alto" a porcentaxe de infraccións que leva perda de puntos, ademais de destacar que cerca do vinte por cento dos que deron exceso de velocidade —en concreto un 18,83 por cento— superou en vinte quilómetros a velocidade máxima permitida; isto é, circulaban a máis de 71 en vías con límite de 50.
A campaña enmárcase dentro das medidas postas en marcha por Tráfico este verán, aínda que en Viveiro desenvólvense accións similares o resto do ano, incidindo en zonas escolares e en vías con preferencia para peón, como a Avenida de Cervantes.
