jueves. 23.09.2021 |
El tiempo
jueves. 23.09.2021
El tiempo

A Plataforma Sanitaria da Mariña denuncia que a Atención Primaria "está morta" 

Centro de salud de Burela. ARCHIVO
Centro de saúde de Burela. ARQUIVO
A portavoz Montse Porteiro citou os casos dos concellos de Burela, de Ribadeo e de Foz

Unha das portavoces da Plataforma Sanitaria da Mariña, Montse Porteiro, denunciou este venres que a Atención Primaria "agora mesmo está morta". 

A activista aludiu aos "moitos problemas" que padecen en toda a comarca, citando os casos dos concellos de Burela, de Ribadeo e de Foz. "Cando lle preguntas ao Sergas o único que din é que non teñen médicos, e iso de que non hai médicos xa o sabemos", salientou. 

A portavoz da plataforma ten claro que "esta situación que existe agora sabíase que ía chegar desde hai dez anos" en que recollía a testemuña do Goberno galego o PP da man de Alberto Núñez Feijóo. 

"Sábeno porque eles controlan a xente que se vai a xubilar e máis xente que se vai a xubilar en catro anos e isto vai petar. A Atención Primaria está agora mesma morta", protestou. 
O reguero de incidencias no servizo na Mariña lévaa a pór o foco no caso de Burela "onde se eliminou a quenda de tarde" no centro de saúde. Ou en Foz, "onde se sitúa a única ambulancia medicalizada do Sergas na Mariña, e onde eliminaron ao segundo técnico de transporte sanitario". 

Ademais, neste municipio lamentou que a PAC "non conte con matrona", a pesar de que a poboación supera os 10.000 veciños en Foz, unha poboación que se multiplica no verán.

"MOITOS PROBLEMAS". Xa en Ribadeo, Porteiro destacou que se producen moitos problemas, porque durante moito tempo houbo seis facultativos na quenda de mañá, agora están ao 50 por cento, é dicir contan con tan só tres" médicos na PAC ribadense. 

Unha situación, engadiu a portavoz da Plataforma Sanitaria da Mariña, que se estende por toda Galicia", antes de avanzar que seguirán "mobilizándose" para frear que se siga mantendo esta tendencia de "recortes" na sanidade. 

A Plataforma Sanitaria da Mariña denuncia que a Atención Primaria...
comentarios