A sección territorial de Avilés da Fiscalía do Principado de Asturias solicita un ano de prisión e dúas de retirada do carné para un condutor de 79 anos de idade que circulou durante un tramo de 16 quilómetros en dirección contraria pola A-8, vía de comunicación que abandonou nos accesos á localidade asturiana de Figueras, xa a uns poucos metros do Ponte dos Santos que serve de fronteira entre Asturias e Galicia e dá acceso a Ribadeo. A vista oral está sinalada para hoxe no xulgado do penal número 1 de Avilés.
O home circulou en dirección contraria un tramo de 16 quilómetros
DE MADRUGADA. O Ministerio Fiscal sostén que, sobre as catro menos vinte da madrugada do 7 de febreiro de 2020, o acusado conduciu en sentido contrario ao da vía ao longo de 16 quilómetros, desde a altura da localidade da Caridade ata a saída de Figueras da autovía A-8, "pondo con iso en perigo aos demais usuarios da vía".
A Fiscalía determina que baixo o seu punto de vista estes feitos "son constitutivos dun delito de condución temeraria" segundo o que se establece no Código Penal.
Por este motivo, solicita que se condene ao acusado a un ano de prisión, ademais dunha inhabilitación especial para o dereito de sufraxio pasivo durante o tempo da condena, ao que suma a privación do dereito a conducir vehículos a motor e ciclomotores durante dous anos e pago das costas do xuízo.