Lunes. 22.10.2018 |
El tiempo
Lunes. 22.10.2018
El tiempo

Piden 26 anos de prisión para un acusado de malos tratos que pegou e violou a súa muller

Entrada da Audiencia Provincial de Lugo. AEP
Entrada da Audiencia Provincial de Lugo. AEP

O home tamén maltratou física e psicoloxicamente a súa filla

Un home con antecedentes penais, casado desde 2002 e con dúas fillas, —a quen a fiscalía de Mondoñedo atribúe unha adicción—, afronta o próximo día 18, na Audiencia Provincial de Lugo, un xuízo por varios delitos, polos cales lle piden 26 anos de prisión. Admitiu ser autor de malos tratos habituais inflixidos no ámbito familiar e de coaccións e agresións sexuais, dos que foi vítima a súa esposa. 

Tamén lesionaría, física e psíquicamente, principalmente a unha das súas dúas fillas. O xulgado número 1 de Mondoñedo decretou o 10 de xullo do ano pasado, prisión provisional comunicada e sen fianza, situación na que permanecía cando se redactou o escrito de cualificación á Sala do citado tribunal, hai catro meses. No domicilio familiar, que estaba en Lugo, producíronse os primeiros episodios violentos con ameazas de morte cara á súa parella e agresións físicas que foron denuncias en xullo do ano pasado, pero que poderían remontarse dous anos atrás.

Esixíalle á súa esposa diñeiro para poder comprar a sustancia que consumía; sumas das que ela non dispuña. Un dos episodios que relata o escrito de cualificación, procedente da Fiscalía de Mondoñedo, data do 9 de xullo de 2017. O acusado chegou á súa casa ás once da mañá tras pasar a noite fose e a súa esposa marchouse coas súas fillas a casa dos seus pais. Cando regresou, el levouna ao garaxe coa escusa de que a lavadora perdía auga e tras pechar a porta e coller un "bate de béisbol, comezou a golpear á súa muller, axeonllouna e penetrouna". Collendo de novo o bate e ademais un coitelo ameazouna de morte. 

As lesións que sufriu ela, que logo dese episodio marchou a casa dos seus pais, tardaron uns 20 días en curar. Pero el seguiuna e gritoulle ao pai e ao irmán. Éste último e a esposa foron agredidos, ata que chegou a Garda Civil. Ambos necesitaron máis de medio mes para sanar das feridas sufridas. Quince días antes, no domicilio familiar, en Lugo, o acusado pechou con chave a porta da casa. A Fiscalía sostén que a agrediu sexualmente e que só ía deixar que saíse da vivenda se lle daba un diñeiro. Ela tivo que chamar incluso ao seu xefe para pedirlle un adianto e para iso foi ata a oficina, seguida, desde un coche, por el, que pretendía asegurarse de recibir a cantidade.

Días antes, o ministerio fiscal asegura que, nun intento de defender á súa nai doutra lesión, a súa filla maior foi agredida "chegando a arrincarlle un guecho de pelo". Os feitos non foron denunciados anteriormente polo medo ao presunto agresor.

Segundo engade a Fiscalía, "o 9 de xullo de 2017, o acusado presentaba unha adicción á cocaína que afectaba á súa capacidade volitiva". Ao día seguinte decretouse o seu ingreso en prisión provisional.

O parentesco supón un agravante. Por unha das agresións sexuais, esíxenlle que cumpra oito anos de cárcere e outros dez, polo outro. Polas coaccións, esíxenlle que estea no cárcere outros tres anos e outros tantos polos malos tratos habituais. Polos dous non habituais, solicítanlle un ano por cada un e o pago dunha multa polas lesións leves, ademais das ordes de afastamento por once anos respecto da esposa. Por responsabilidade civil, pídenlle 11.000 euros como indemnización para ela; outros 10.000 para a súa filla; mil euros por cada lesión e 360 euros, para o Sergas.

Piden 26 anos de prisión para un acusado de malos tratos que pegou...