Dúas persoas resultaron feridas este venres pola mañá unha saída de vía que se rexistrou na Avenida de Asturias, na entrada de Foz, concretamente en Vilaxoane.
Ao parecer, o condutor do vehículo podería perder a consciencia e o coche impactou contra as escaleiras de acceso dunha vivenda. Os dous ocupantes do vehículo foron trasladados ao Hospital da Costa. Axentes da Policía Local e efectivos de Protección Civil desprazáronse ao lugar.