Tres persoas que se atopaban practicando paddle surf a última hora da tarde deste domingo na contorna da praia ribadense das Catedrais atopáronse con dificultades para saír da auga debido ás correntes.
Nun principio a central de urxencias do 112 Galicia recibiu o aviso de que as tres persoas non podían saír do mar e ata o lugar desprazáronse efectivos da Policía Local de Ribadeo. Finalmente, chegaron en bo estado, aínda que con frío, á praia de Esteiro e non foi necesario pór en marcha ningún dispositivo de rescate.
