Os traballadores da empresa auxiliar de Alcoa Noguera Xove decidiron nunha asemblea celebrada este mércores asinar un preacordo coa compañía e poñer fin á folga indefinida iniciada este luns, así como ás concentracións fronte ás portas da multinacional do aluminio.
O persoal reclamaba con ese calendario de protestas maiores salarios que o equiparasen co de outras empresas contratistas do mantemento da planta de alúmina e denunciaba que a negociación coa compañía non cubría as súas peticións.