Os traballadores do xeriátrico de Viveiro continúan coas súas concentracións os martes para protestar contra os calendarios "impostos pola empresa".
Segundo explican a firma propúxolles asinar o calendario de todo este ano pero o persoal negouse porque di que mentres non se negocia, segue en vigor o de 2018. Engaden que o 20 de xuño celébrase o xuízo do conflito por descansos e compensación de festivos e iso podería facer variar o calendario, por iso propoñen seguir aplicando este ano o do 2018 e están á espera de que a empresa lles conteste.