A poucas horas da reunión dos membros do Tribunal Supremo para revisar o recurso de Alcoa á sentenza do Tribunal Superior de Xustiza de Galicia que tombou o seu Ere extintivo en Aluminio, os traballadores convocaron sendas concentracións ás portas da fábrica, ás once da mañá e ás oito da tarde.
O persoal, que leva un ano coa espada de Damocles do peche encima, e sen avances na venda da planta, só deixará pasar a persoal de servizos mínimos e pide apoio a todo o que queira sumarse ás súas reivindicacións.
O comité elevou o ton nos últimos días sobre o que considera inacción do Goberno, reclamándolle a intervención da electrolisis de San Cibrao, unha vez que a Sepi renunciase a comprar a planta antes de dar entrada a outra empresa explotadora.